Türkiyə millisinin və “Qalatasaray”ın sabiq futbolçusu Ümid Karan barəsində həbs qərarı çıxarılıb.
İNFOAZ.WS xəbər verir ki, bu barədə Türkiyə mediası məlumat yayıb.
Bildirilib ki, sabiq futbolçu 2015-ci ildə yaşadığını binanın xanım mühafizəçisinə qarşı cinsi zorakılıb edib. Həmin vaxt Bakırköy 37-ci Asliyə Cəza Məhkəməsi dəlil çatışmazlığı səbəbi ilə Karan haqqında bəraət qərarı vermişdi.
Daha sonra qarşı tərəfin etirazı ilə sənədlər apellyasiya məhkəməsinə göndərilib.
Yeni məhkəmə prosesində sabiq futbolçuya 1 il 9 ay hökm oxunub. Ü.Karan Bakırköy Ədliyyəsindən Metris həbsxanasına göndərilib.
Xatırladaq ki, sabiq futbolçu 2001-2009-cu illər arasında “Qalatasaray”da çıxış edib. O, son olaraq televiziyada ekspert kimi fəaliyyət göstərirdi.
