Kaya Kallas ABŞ-ı Kremlə təzyiq göstərməyə çağırıbAvropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaya Kallas ABŞ-ı üç ildir davam edən Ukrayna-Rusiya münaqişəsinə son qoymaq üçün Rusiyaya təzyiq göstərməyə çağırıb.
İNFOAZ.WS xəbər verir ki, bunu Kaya Kallas Madriddə keçirilən Avropa xarici işlər nazirlərinin toplantısından əvvəl deyib.
Kallas Rusiyanı yaxşı niyyət göstərməyə və Ukraynadakı atəşkəsə razı olmağa çağırıb.
Onun sözlərinə görə, Rusiyaya deportasiya edilmiş ukraynalı uşaqların geri qaytarılması və müharibə əsirlərinin azad edilməsi Rusiyanın xoş niyyətini göstərmək üçün edə biləcəyi addımlardır.
