Almaniyada satışda olan bəzi mədən suyu məhsullarında təhlükəli xəstəxana bakteriyası – Pseudomonas aeruginosa aşkarlanıb. Bu mikrob xüsusilə immun sistemi zəif olan insanlar üçün ölümcül təhlükə yaradır.
Almaniyanın tanınmış Roxane GmbH şirkəti tərəfindən edilən açıqlamada bildirilir ki, EDEKA, Marktkauf və Netto Marken-Discount mağazalarında satılan GUT&GÜNSTIG və Naturalis markalarına aid 0,5 və 1,5 litrlik plastik qablaşdırmada olan bəzi mədən sularında bakterial çirklənmə aşkar edilib. Bu məhsullar Clara və Jessen mənbələrindən doldurulub və təhlükə yaratdığı üçün dərhal geri çağırılır.
Bu bakteri nədir və niyə təhlükəlidir?
Pseudomonas aeruginosa – xəstəxanalarda tez-tez rast gəlinən və dərmanlara qarşı davamlı olan təhlükəli mikrobdur. Bu bakteri:
Zatürre
Sidik yolu infeksiyası
Menenjit
Bağırsaq və qulaq iltihabı
kimi xəstəliklərə səbəb ola bilər. Xüsusilə kistik fibroz, KOAH və AIDS xəstələrində ağır nəticələr doğura bilər.
“İmmunitet sistemi zəif olan şəxslər bu məhsulları qətiyyən istifadə etməməlidir. Hər hansı sağlamlıq dəyişikliyi müşahidə olunarsa, dərhal həkimə müraciət edilməlidir.”
GERİ ÇAĞIRILAN MƏHSULLARIN SİYAHISI:
GOOD&CHEAP (Durgun Mədən Suyu)
0,5 litr | Son istifadə tarixi: 01.07.2027 – 02.07.2027
1,5 litr | Son istifadə tarixi: 30.06.2027 – 01.07.2027 – 02.07.2027
GUT&GÜNSTIG (Klasik və Orta Mədən Suyu)
0,5 litr | Son istifadə tarixi: 30.03.2026 – 01.04.2026 – 03.04.2026
1,5 litr | Son istifadə tarixi: 01.07.2026 – 02.07.2026
Naturalis (Durgun, Medium və Klasik Mədən Suyu)
0,5 litr | Son istifadə tarixi: 02.04.2026 – 01.04.2026 – 02.07.2027
1,5 litr | Son istifadə tarixi: 30.06.2027 – 01.07.2027 – 02.07.2027 – 03.07.2027
MÜHÜM TÖVSİYƏ:
Əgər bu məhsullardan almısınızsa:
Qətiyyən istifadə etməyin!
Aldığınız mağazaya və ya istehsalçıya geri qaytarın!
Səhiyyə mütəxəssisləri xəbərdarlıq edir: Bu məhsullar tamamilə satışdan yığışdırılana qədər istifadəsi sağlamlıq üçün ciddi təhlükə yarada bilər.
