İran İslam Respublikasının Ali Milli Təhlükəsizlik Şurasının bəyanatında deyilir ki, İran İsraili məğlub edərək, onu məğlubiyyətini etiraf etməyə və təcavüzü birtərəfli qaydada dayandırmağa məcbur edib.
İNFOAZ.WS xəbər verir ki, bu barədə “IRIB agentliyi” məlumat yayıb.
İran Milli Təhlükəsizlik Şurasının bəyanatında deyilir:
“İlahi hədiyyə… düşməni etdiyinə peşman edən, məğlubiyyətini etiraf edən və təcavüzü birtərəfli şəkildə dayandıran qələbə idi”.
ABŞ prezidenti Donald Tramp bildirib ki, İsrail və İran 24 saatdan sonra “12 günlük müharibəni rəsmi şəkildə bitirəcək” atəşkəsə razılaşıblar.
“The Washington Post” yazır ki, İran İsrailin atəşkəsdən sonra ABŞ-nin nüvə danışıqlarına qayıtmaq təklifi ilə razılaşıb.
