Ermənistan Respublikasının baş naziri kimi qərara gəldim ki, “Qarabağ hərəkatı” davam etməməlidir.
İNFOAZ.WS xəbər verir ki, bunu Ermənistan Baş naziri Nikol Paşinyan deyib.
“Əgər Ermənistan xalqı mənim qərarıma qarşı çıxarsa, o zaman mən Ermənistanın baş naziri olmayacağam. Mən baş nazir olduğum müddətdə bu, Ermənistanın rəsmi mövqeyidir”, – deyə o bildirib.
Qeyd edək ki, “Qarabağ hərəkatı” adətən 1988-ci ildə, Ermənistan hələ Sovet İttifaqının tərkibində olarkən başlamış hərəkat hesab olunur. Bu hərəkatın ideoloji bazası üzərində Ermənistan 1991-ci ildə müstəqilliyini elan edib.
