Bildiyimiz kimi devalvasiya iqtisadiyatımıza da ciddi təsir edir.Bununla idxal məhsulları bahalaşır, inflyasiya artır.
Bəs Azərbaycanda devalvasiya gözlənilirmi?
Mövzu ilə bağlı iqtisadçı Natiq Cəfərli İNFOAZ.WS-ə bildirib ki , Azərbaycanda uzun müddətdir ki , manatın məzənnəsi sabitdir. Bu inzibati məzənnədir. Yəni bazar iqtisadiyyatı qaydaları ilə tənzimlənmir. Mərkəzi və bank hökümətinin inzibati qaydaları ilə tənzimlənir.
Onun sözlərinə görə uzun müddət belə davam etməsi olduqca çətin görünür:
2005-2015 ci ildə sabit məzənnə rejimi davam etdi. Sondadan üçpilləli devalvasiyaya getdik. İndi də artıq 9-cu ildir ki , sabit məzənnə rejimidir. Yəni bunu uzun müddət eyni səviyyədə saxlamaq çətin olacaq.
Natiq Cəfərli devalvasiyanın bir çox amillərlə bağlı olacağını deyib. Həmçinin , Azərbaycanda neft hasilatının həcmindən, neftin dünya bazarındakı qiymətlərindən də asılı olacağını vurğulayıb:
“Düşünürəm ki, bir müddət sonra, yəni, yaxın 1-2 ildə bu baş verə bilər”.
Fatimə Məmmədova
