Müğənni Aysun İsmayılova sosial şəbəkədə paylaşım edərək son vaxtlar üzləşdiyi çətinliklərdən söz açıb.
İNFOAZ.WS yenisabah-a istinadən xəbər verir ki, o, yaşanan ağır hadisələr səbəbindən bir müddət sənətindən və sosial şəbəkə paylaşımlarından uzaq qalıb:
“Bu çətin günlərdə verdiyiniz dəstək mənə böyük güc verir. Son zamanlar yaşanan ağır hadisələr səbəbindən bir müddət işimdən uzaq qaldım və paylaşım etmədim. Amma həyat dayanmaq bilmir…” – deyə sənətçi qeyd edib.
İsmayılova sənətini davam etdirəcəyini və toy, tədbirlərdə iştirakı ilə həm ailəsinə, həm də özünə güc vermək istədiyini vurğulayıb:
“Anam hər zaman mənim yanımdadır, mən də onun gücündən ilham alıram. Mənə olan sevginiz və dəstəyiniz üçün hər kəsə sonsuz təşəkkürümü bildirirəm”.
